53 vjeçari shqiptar Shkëlqim Hysi, ka humbur kontaktet me familjarët prej datës 9 prill 2023, ndërsa ende nuk ka asnjë gjurmë prej tij.
Hysi është parë për herë të fundit në ishullin Siros në Greqi, ku kishte shkuar me traget nisur nga Shqipëria.
Nga dëshmitë e familjarëve, mësohet se Hysi ishte në hetim nga autoritetet greke, pasi akuzohej se ishte autor i një grabitje, ndaj familja dyshon se mund të jetë në burg.
Shkëlqimi me origjinë nga Tepelena është i martuar, baba i dy fëmijëve të cilët janë tepër të shqetësuar për fatin e tij.
Familjes i ka ardhur një informacion që është parë në Pire të Athinës dhe shqiptarët e kanë ndihmuar me 20€, por nuk dihet më shumë! Humbja e tij është bërë publike dhe në mediat greke, ndërsa është vendosur në dispozicion edhe një numër telefoni për këdo që e shikon: 069 614 8931.
