Ermal Mamaqi, i ftuar në rubrikën “Galeri”, foli për fillimet e tij në televizion ku së bashku me Edi Manushin kujtuan “Top Select”.
Në atë kohë, Ermali dhe Arbana Osmani e prezantonin bashkë emisionin. Ai tregoi se Arbana nuk e duronte dot për faktin që ai bënte humor.
“Kam qenë unë, Arbana Osman, Drini Zeqo, Eni Popi, tek Selecti. Isha prezantues, kisha rolin që bëja humor. Ka qenë një luftë e madhe me Arbanën, e cila nuk më duronte dot. Gjithashtu edhe unë. Sepse nuk e kuptonte sesi mund të bëhet humor në televizor. Kemi pasur shumë sfida sepse unë kisha shumë përplasje me Arbanën”, tregoi Ermali duke shtuar se këtë situatë të dikurshme e kanë biseduar edhe së fundmi të dy gjatë 20-vjetorit të Top Channel-it.
