Një vajzë e re ka humbur kontaktet me familjarët më datë 19 prill 2023, ndërsa sot është bërë kallëzim në polici për humbjen e saj.
Denoncimi është bërë në komisariatin e policisë Nr.4, nga babai i të resë shtetasi Naim Lika banues në Gurrë e Madhe, Burrel.
Lika ka kallëzuar vajzën e tij Nexhmije Lika e ditëlindjes 20.04.2001 pasi ka humbur kontaktet me familjen.
Babai i vajzës ka bërë me dije se vajza e tij ka hyrë në Shqipëri me datën 19.04.2023 ora 20.09 nga Rinasi dhe pas atij momenti nuk ka asnjë informacion për vajzën.
Familja ka bërë të ditur se vajza vuan nga probleme të shëndetit mendor dhe nëse konstatohet nga qytetarët ose nga shërbimet e policisë të shoqërohet menjëherë në ambientet e policisë.
