Interesat e qytetarëve iranianë në Shqipëri do të mbrohen përmes një seksioni interesash në ambasadën turke në Tiranë.
Vendimi u mor gjatë një bisede telefonike të shtunën, mes ministrit të jashtëm iranian Hossein Amir-Abdollahian dhe homologut të tij turk Mevlut Çavusoglu, ku mes të tjerash u biseduan për një sërë çështjesh dypalëshe dhe rajonale. Sipas agjencisë shtetërore të lajmeve IRNA, Amir-Abdollahian falënderoi gjithashtu qeverinë turke për mbështetjen e saj në këtë drejtim.
Përfaqësimi i interesave të një vendi të tretë për shkak të ndërprerjes së marrëdhënieve diplomatike është e parashikua Konventa e Vienës. Në nenin 45, pika 3 e kësaj konvente thuhet se në rast ndërprerje të marrëdhënieve diplomatike midis dy shteteve, ose në qoftë se një mision thirret definitivisht ose përkohësisht “Shteti dërgues mund t’ia besojë mbrojtjen e interesave të tij dhe ato të shtetasve të tij një shteti të tretë të pranueshëm për shtetin pranues”.
