Tirana është shpallur kampione e Shqipërisë në volejboll për meshkuj për edicionin 2022-2023.
Bardheblute e Arben Sakos kanë mundur me përmbysje në finalen e katërt Partizanin me rezultatin 3-2 (18-25, 25-22, 24-26, 25-21, 15-5).
Një tjetër derbi spektakolar në sallën “Feti Borova”, ndërsa me këtë fitore Tirana e vulos serinë e finaleve 3-1, duke mbrojtur kështu kurorën e kampiones, për të bërë të sajin titullin e 11-të në historinë e klubit.
Gjithçka u mbyll me festën e merituar të bardhebluve në parket, ndërsa Superliga e volejbollit të meshkujve ul siparin e një sezoni mjaft të bukur dhe të rivalizuar.
