Trajneri i Tiranës, Orges Shehi ka komentuar fitoren 0-1 ndaj Vllaznisë.
“Vllazninë e kemi mundur dhe në finalen e Superkupës. E rëndësishme është fitorja. Nuk më intereson fare as loja e asgjë. Kishim zëvendësime të detyruara. Lushkja po luan me një këmbë. Nikqi u zëvendësua këtu. Kundërshtari ka fazën ofensive të mirë. Ndryshuam vendosjen. Unë mendoj që ishte fitore karakteri. Kishim 7-8 ndeshje që pësonim. Në këtë sfidë nuk pësuam. Pikët janë kryesorja.
Diferenca në derbi? S’e kam kërkuar këtë. Deklarata del nga konteksti. Duhet t’i marrim ndeshjet një nga një. Jemi munduar t’i marrim ndeshjet një nga një, të vuajmë. Më vjen mirë që e kemi bërë. Në këtë fazë është i rëndësishëm përqëndrimi. Edhe në goditjet standarte ishim ne fitimtarë.
Harmoni në ekip? Vuajmë dhe i lëshojmë territor kundërshtarit. Ne ia kemi dhënë 80 metra të fushës kundërshtarit. Në këtë situatë janë pikët, por nuk rikuperohen. Kemi bërë dhe ne ndeshje të mira, por nuk po merrnim pikët. Tani të fokusohemi me lojë të bukur dhe nuk kemi dalë fitimtarë në fillim të kampionatit.
Mentaliteti fitues? Gjithësecili ka meritën e vet. Të dal këtu dhe të flas për Belulin është pak e tepërt. Të gjithë lojtarët kërkojnë maksimumin. E rëndësishme për ta është të saldojnë emrin e vet në histori. Ata po përgjigjen shumë mirë. Këta futbollistë kërkojnë ta transmetojnë mentalitetin e fituesit edhe te kundërshtari. Duhet të korigjojmë gabime. Projekti nuk është vetëm me Shehin në drejtim, por edhe me lojtarët.
Kombëtarja e veteranëve? Më mori profesor Mema se pse nuk shkoja në stërvitje. Do të mundohem që të vij. Jemi pak si të mbaruar se kemi lënë sportin prej kohësh.
Colella? Nuk di që ka qenë afër për të ndjekur. Nuk është e rëndësishme për ta ndjekur kundërshtarin në stadium. Sigurisht që kërkon edhe emocionin. Ne jemi të përqëndruar te ndeshjet tona”, tha ai.
