Nga Boldnews.al
Kryeministri Edi Rama do të shpenzojë plot 5 milionë euro për restaurimin e vilës nr. 5, ose siç njihet ndryshe “vila e Enver Hoxhës”. Një shumë e konsiderueshme, pasi me kaq para mund të ndërtohej një pallat dhe jo të restaurohej një vilë.
Por, pas instalacionit 4 milionë euro në ambientet e kryeministrisë, Rama po vijon me “çmenduritë”, duke vepruar gjithmonë e më shumë si një diktator. Ai po ecën në gjurmët e paraardhësve të tij të selisë rozë, në qendër të Tiranës, ndërsa është kopje e Putinit dhe Erdoganit.
Megjithatë, kjo arrogancë po kushton miliona euro, pasi për një periudhë të shkurtër, vetëm për tekat e tij, po shpenzohen plot 10 milionë euro.
Ndërkohë, duke i shtuar edhe vendimet e arbitrazhit, fatura është tepër e rëndë për qytetarët e thjeshtë, të cilët shohin dita-ditës sesi taksat e tyre nuk po përkthehen në të mira për ta, por vetëm për një grusht njerëzish.
Sipas dokumentit të mësipërm, Drejtoria e Shërbimeve Qeveritare, ka finalizuar procedurën e prokurimit me negocim, pa shpallje paraprake të njoftimit të kontratës. Objekti i kontratës është “zbatimi, projekt rivitalizimi i rezidencës qeveritare vila nr. 5”.
Fondi limit i këtij tenderi është plot 499.696.978 lekë pa TVSH, ose me TVSH plot 5 milionë euro. Punimet do të kryhen brenda një periudhe kohore prej 6 muajsh, ndërkohë që fitues ka dalë firma “Ad-Star” me vlerë 494.700.008 lekë. Ofertë kishte edhe firma “AGRI CONSTRUCSION” me vlerë 497.997.756 lekë.
Pra, një vlerë tepër e lartë për restaurimin e një godinë ekzistuese, e cila i shërben vetëm luksit të kryeministrit dhe asnjë tjetri. Por, a ia vlen të shpenzohen kaq para’ për tekat e tij?!
Rivitalizimi i vilës nr.5 filloi të projektohej disa muaj më parë, procedurë e denoncuar nga BoldNews.al. Tenderin për projektin e restaurimit e fitoi firma “Atelier 4”, me pronar Olsi dhe Alban Efthimi, e cila është denoncuar në vijimësi nga opozita, por edhe nga mediat, si “klientët e qeverisë”. Madje, “klientët” e vetë kryeministrit Edi Rama, i cili njihet për miqësinë me vëllezërit, të cilat kanë “lulëzuar” gjatë 9 viteve të fundit, duke fituar dhjetëra miliona euro para publike për projekte të ndryshme. Fondi për projektin ishte me vlerë 3.880.000. Pas shpalljes së fituesit, projekti u dorëzua brenda 45 ditësh. Procedurat u bënë me shpejtësi, me të vetmin qëllim, restaurimin e shpejtë të luksit të Ramës.
