Tirana ia del edhe në “Loro Boriçi”. Kampionët e Shqipërisë fituan 0-1 në Shkodër përballë Vllaznisë vendase duke hedhur një hap të rëndësishëm drejt mbrojtjes së titullit.
Në një ndeshje ku ka dominuar më shumë dëshira për të mos rrezikuar shumë, bardhebluve u ka mjaftuar goli i Abazajt në fundin e pjesës së parë për ta vënë nën kontroll sfidën.
Vllaznia prodhoi më shumë lojë në fraksionin e dytë, por gjuajtjet në portën e Bekajt ishin me pikatore dhe skuadra kryeqytetase ia doli të largohej nga kjo transfertë delikate me pikët e plota për të vijuar shkëputjen në kryesim në rrugën drejt titullit që tashëm duket edhe më afër.
Fitore arriti edhe Teuta në derbin kundër Erzenit. Skuadra durrsake mposhti 2-0 shijakasit. Të dy golat u shënuan në pjesën e dytë. Sherif Kallaku ekzekutoi saktë një penallti në minutën e 64’.
14 minuta përpara fundit, Teuta gjeti edhe golin e qetësisë me anë të Lorenco Vilës. Skuadra e Edi Martinit mbërrin Erzenin në kuotën e 38 pikëve.
