Autoritetet italiane kanë kapur një sasi të madhe droge në Venecia, Itali. Mbi 800 kilogramë kokainë, me vlerë rreth 150 milionë euro, u gjetën të fshehura në një anije në pronësi greke.
Sipas medieve të huaja anija aktualisht qëndron që nga e enjtja e ankoruar në brigjet e Venecias, ndërsa kishte lundruar nga Santos, Brazil.
Anija iu nënshtrua kontrolleve të mëtejshme dje ndërsa asnjë nga marinarët në bord nuk u arrestua.
Hetuesit thanë se mënyra se si droga ishte fshehur në bordin e anijes tregon për një praktikë të zakonshme nga kartelet e drogës, të cilët, me ndihmën e zhytësve, fshehin drogën në shkëmbinj nënujorë pa dijeninë e ekuipazhit.
