Një aksident i rënë ka ndodhur pasditen e sotme në Vorë.
Siç mund ta shihni nga pamjet më poshtë automjeti ka dalë nga rruga dhe për pasojë është shkatërruar plotësisht.
Sipas njoftimit të policisë, një shofer 25-vjeçar humbi kontrollin e automjetit të tij tip “Peugeot” dhe për pasojë 3 të rinj kanë mbetur të plagosur. Të lënduarit janë transportuar me urgjencë në spital.
“Më datë 19.04.2023, rreth orës 18:50, te mbikalimi në Vorë, shtetasi L. B., 25 vjeç, duke drejtuar automjetin tip “Peugeot”, dyshohet se ka humbur kontrollin mbi drejtimin e tij dhe automjeti ka dalë nga rruga.
Si pasojë janë dëmtuar drejtuesi i automjetit, shtetasi L. B., dhe dy pasagjerët, shtetasit M. Gj., 22 vjeç, dhe A. Gj., 23 vjeç, (vëllezër) të cilët ndodhen në spital, nën kujdesin e mjekëve. Grupi hetimor po punon për sqarimin e rrethanave të aksidentit”, njofton policia.
