Një 51-vjeçar shqiptar është arrestuar nga policia në Bolonja pasi ka plagosur në një mënyrë krejtësisht të paprecedentë një shtetas kinez.
Mësohet se mbi shqiptarin rëndon akuza e plagosjes, ndërsa gjykata kishte vendosur më herët ndaj tij masën e sigurisë “arrest shtëpie” për një tjetër ngjarje.
Ndërkohë, në orën 21:50 të datës 13 dhjetor të vitit të kaluar ai ka plagosur me bisturi në fytyrë një banakier.
49-vjeçar kinez refuzoi ta linte shqiptarin të përdorte makinetat e lojërave të fatit jashtë orarit dhe për këtë arsye ka nisur një debat i ashpër mes tyre.
Shqiptari pasi ka shkuar në tualet ka dalë jashtë dhe është afruar në banakun e klubit, duke e goditur me bisturi në fytyrë banakierin disa herë.
Goditjet me bisturi i shkaktuan banakierit 49-vjeçar plagë të rënda në anën e majtë të fytyrës dhe ai qëndroi për 15 ditë i shtruar në spital.
Në sajë të dëshmive të marra nga klientët e tjerë, karabinierët ranë në gjurmët e shqiptarit me banim në Bolonja dhe me dosje policie.
