Një krizë akute apandesiti ka bërë që kryeministri Edi Rama mbrëmjen e djeshme në mesnatë të shtrohej me urgjencë në spital.
Zyra e shtypit të shefit të qeverisë bën me dije se pas kryerjes së disa testeve imazherike në qendrën spitalore universitare “Nënë Tereza”, Rama u diagnostikua me apendisit akut.
Në bazë të rekomandimit të mjekëve të shërbimit të urgjencës, kryeministri iu nënshtrua operacionit për heqjen e apendesitit në orët e para të mëngjesit të sotëm.
Operacioni u krye nga ekipi i mjekëve kirurge dhe anestezistë, nën drejtimin e prof. Arben Gjata, shef i shërbimit të kirurgjisë në QSUT.
Gjendja shëndetësore e kryeministrit paraqitet stabile.
