4 nga 7 anëtarë që ka në total familja Hakushi në Elbasan janë me aftësi të kufizuara dhe me një sërë sëmundjesh bashkëshoqëruese.
Kur u martua me bashkëshortin Dallandyshja gjeti në shtëpi kunatin në karrocë dhe nga martesa e saj lindi dy fëmijë me aftësi të kufizuara, vajza më e madhja vuan nga epilepsia, ndërsa djali i vogël nga hemofilia .Vetëm njëri prej fëmijëve gëzon shëndet të plotë, ndërsa vjehrra e moshuar përpos moshës semundja po e mundon.
Që të semurëve mos tu mungonte shërbimi shëndetësor burrë e grua 9-vite më parë braktisën fshatin ku jetonin e u vendosën me qera në lagjen”5 maji”.
Pagesat mujore janë të larta, aq sa mezi i paguajnë me paratë e marra nga kempi i të sëmurëve. Nevoja për medikamente e bën të pamundur të heqi para mënjanë që një ditë të ndërtojnë shtëpinë e tyre. Gruaja e shtëpisë e ka të vështirë të ecë përpara e teksa lutet për ndihmë thotë se shpesh mendon ti japë fund jetës, por gjihmonë ka dicka që e kthen pas.
“Kalamajtë që kam mos i pastë njëri. Sado e keqe të jetë shtëpia, ti fus e të vdes e qetë. Vuajtje natë e ditë me fëmijët. Qiranë kam 2-3 muaj pa paguar.
Vajzështë me epilepsi. Kam 25 vjet e martuar, skam parë një ditë të bardhë. Ditë e natë me lot.” a tha Dallandyshja per Faxnews.
Mes morisë së brengave kjo nënë në nevojë dhe me zemrën e plagosur lutet dëshpërimisht për ndihmë.
E moshuara e shtëpisë nënë Aishja thotë se zemra i dhemb kur i sheh fëmijët e djalit të sëmurë. Nëse fatin e djalit të saj në karrocë e ka pranuar për nipërit thotë se nuk mundet.
Edhe më drithërues është rrëfimi i djalit 10 vjec. Sëmundja nuk e lejon të shkoj cdo ditë në shkollë , ndonëse si cdo fëmijë tjetër ka ëndrra.
Cdo gjë në familjen Hakushi dhemb. I vetmi i cili del nga shtëpia me shpresen se do të gjej punë e në mbrëmje do të kthehet me disa monedha në xhep është kryefamiljari, të cilit i ka rënë mbi supe një barrë e rëndë.
