Derbi vishet bardheblu! Tirana e volejbollit të meshkujve hodhi një hap të rëndësishëm në mbrojtjen e titullit kampion teksa mundi 1-3 Partizani në finalen e parë.
Në ndeshjen e zhvilluar në “Asllan Rusi” kishte gjithçka, emocione ,spektakël dhe tensione.
Sfida nisi më mirë për bardheblutë që fituan setin e parë i 17-25. Në të dytin, djemtë e Partizanit reaguan dhe e fituan atë 25-14.
Seti i tretë ishte më i luftuari në parket, por Tirana i’a doli ta triumfojë në pikët shtesë 26-28.
Pas kësaj situata u tensionua në parket. Nigeriani Oforah i Partizanit u përplas me turkun Saghir të Tiranës ndërsa u desh dhe ndërhyrja e lojtarëve të tjerë që situata të normalizohej, ndërsa kryesori Enri Zenullari ndëshkoi me karton të kuq si Tiranën ashtu dhe Partizanin.
Në setin e katërt, vetëm gabimet individuale bënë diferencën në parket dhe gjithçka u mbyll me fitoren 23-25 të Tiranës.
Finalja tjetër mes dy ekipeve do luhet në 17 prill në orën 19:00 .
