Shqipëria është përfshirë mëngjesin e sotëm nga një mot me reshje të dendura shiu, shtrëngata dhe erë të fortë.
Deri në orët e mesditës, i gjithë vendi ynë do të jetë nën ndikimin e vranësirave dhe reshjeve të shiut, ku herë pas here pritet të jenë dhe në formë rrebeshi në zona të izoluara.
Pasditja do të sjellë përmirësim të përkohshëm të motit, por orët e mbrëmjes do të theksojnë vranësirat dhe reshjet në territor.
Temperaturat e ajrit do të rriten në mëngjes, por do të ulen ndjeshëm në mesditë, duke u luhatur nga 4°C deri në 20°C.
Era do të fryjë mesatare dhe e fortë në det, me shpejtësi 40 km/h nga drejtimi Jugperëndimor, duke sjellë në brigjet detare dallgëzim 3 ballë.
