Situata e Alexei Navalny është kritike, të gjithë jemi shumë të shqetësuar, deklaroi Ruslan Shaveddinov.
“Ne e kuptuam se situata duhet të ketë qenë shumë serioze sepse u thirr një ambulancë,” shtoi ai, duke thënë se autoritetet e burgut refuzuan ta shtronin Navalny në spital.
“Teoria jonë është se ata po e vrasin gradualisht, duke përdorur një helm me veprim të ngadaltë përmes ushqimit”, tha Shaveddinov.
Shaveddinov tha se një ambulancë u thirr javën e kaluar në koloninë penale të sigurisë maksimale IK-6 në Melekhovo, 250 km nga Moska, ku po mbahet Navalny.
”Që nga ajo kohë nuk ka pasur asnjë përditësim për gjendjen e tij shëndetësore, sepse autoritetet e burgut po bëjnë gjithçka për ta izoluar”, shtoi aleati i kundërshtarit 46-vjeçar rus, i cili duhet të vuajë 11 vjet burg për mashtrim dhe përbuzje ndaj gjykatës: pretendime që, sipas grupeve të të drejtave të njeriut, ishin sajuar për t’i mbyllur gojën atij.
Postimi i fundit i Navalny në rrjetet sociale daton të enjten, një ditë para se gjendja e tij të përkeqësohej.
Me atë rast ai kishte nisur një apel për autoritetet gjeorgjiane që të lirojnë nga burgu ish-presidentin Mikheil Saakashvili dhe t’i nënshtrohen trajtimit mjekësor.
