Deputeti demokrat Flamur Noka i është drejtuar ashpër maxhorancës për sulmin me tritol ndaj kreut të PD-së në Vaun e Dejës, Bernard Ndreci.
Noka akuzoi se pas sulmit fshihet PS-ja dhe shtoi më tej se shteti kundërpërgjigjet me tritol dhe jo me forcën e ligjit.
“Si mund të shpjegohet ndryshe që kryeministri pa bërë disa orë nga ngjarja, ishte në aktivitet dhe nuk e përmendi fare. Askush nga ju nuk e përmendi fare rastin në Vaun e Dejës. A thua aty ishte goditur një mizë dhe jo lideri i opozitës së atij vendi, pa asnjë problematikë me ligjin. bëtë gjithçka kundër opozitës, për ta përçarë politikisht dhe tani kujtoheni që të bëni dhe likuidime fizike. S’keni kurajo por fshiheni si strucë, kundërpërgjigje s’është tritoli, por ligji!
Pas atij atentati jeni ju, Rama, ndaj nuk bëtë asnjë fjalë, nuk reaguar. ishte një akt terrorizmi politik. Ju e shihni veten të pashpresë. Ndaluat dhe takimet me idenë e kursimeve, por jo. Rama takohet me administratën vetën se s’ju mbështet njeri tjetër. Strategjia juaj është terror dhe blerje. Pse nuk keni folur asnjëri? Ku është zotëria këtu o zonjë?”, tha ai.
