Enkelejd Joti ka dhënë dorëheqjen nga posti i Drejtorit të Përgjithshëm të Radio Televizionit Shqiptar.
Përmes një shkrese drejtuar Këshillit Drejtues të RTSH-së, Joti ka dhënë dorëheqjen e parevokueshme nga posti i cili mbante që prej vitit 2021.
Mësohet se dorëheqja e tij ka ardhur pasi pritet të marrë postin e zv.Ministrit të Mbrojtjes.
“Në zbatin nenit të 106 të ligjit nr. 97/2013 “Për mediat audiovizive në Republikën e Shqipërisë” të ndryshuar, Statutit të RTSH-së nr.98/2016, ju paraqes dorëheqjen time të parevokueshme nga posti i Drejtorit të Përgjithshëm të Radio Televizionit Shqiptar (RTSH)”, thuhet në shkresë.
Emri i Enkelejd Jotit u shfaq edhe në një episod domethënës në çështjen e Arbitrazhit Ndërkombëtar, ku qeveria e Edi Ramës humbi 110 milionë euro përballë sipërmarrësit Italian, Francesko Beketi.
Sipas vendimit të Arbitrazhit, diku rreth vitit 2014, kur qeveria kishte nisur hetim penale ndaj Beketit për “pastrim parash”, biznesmeni Italian, pronar i disa bizneseve dhe i televizionit “Agon Channel”, kontaktohet dhe drekon me Sekretarin e Përgjithshëm të Këshillit të Ministrave, Ëngjëll Agaçi.
Gjatë bisedës, të zbardhur nga Gjykata Ndërkombëtar, Agaçi i kërkon Beketit që të mos bëjë kritikë me qeverinë dhe për detajet e tjera të komunikojë me Enkelejd Jotin, i cili në atë kohë ishte Drejtor i Përgjithshëm i televizionit Top Channel.
Për Beketin, kjo ndërhyrje ishte qartësisht presion për të dorëzuar vijën editoriale të televizionit tek qeveria dhe shantazh për të mos konkuruar TCH, i cili prej vitesh mban linjë pro-qeveritare.
Nga viti 2017, ai ka qenë drejtori i ri i Qendrës Spitalore Nënë Tereza, dhe emri i tij është lakuar disa herë pasi dyshohej për korrupsion me tenderat. Boldnews.al pati denoncuar një tender korruptiv ku i favorizuar ishte Enkelejd Joti.
