Ish-presidenti i Shteteve të Bashkuara të Amerikës, Donald Trump ka folur për herë të parë, pas gjyqit të 4 prillit kur ai u përballë me 34 akuza. Ish kreu i Shtëpisë së Bardhë deklaroi në një intervistë për “FOX NEËS” insistoi në pafajësinë e tij, teksa deklaroi se edhe nëse dënohet për akuza penale, ai nuk do të hiqte dorë nga zgjedhjet presidenciale të vitit 2024.
“Unë nuk kam bërë asgjë të keqe. Kur shkova në gjykatë, që në njëfarë kuptimi është edhe burg, dua t’ju them se njerëzit po qanin.
Njerëz që punojnë atje, profesionist, që nuk e kanë problem të fusin vrasës brenda, ata po qanin kur me panë. Ata në fakt po qanin. Ata thanë, ‘Më fal’. Une nuk kam bërë asgjë të keqe dhe për këtë arsye nuk do heqë dore nga gara. Nuk do të dorëzohem kurrë. Nuk veproj kështu unë. Nuk do ta bëja këtë,” tha ai.
Ish-presidenti republikan fajësoi administratën e pasardhësit të tij demokrat, Joe Biden, për dobësimin e rolit udhëheqës të SHBA-së në skenën ndërkombëtare. Duke marrë shkas, edhe nga vizita e presidentit francez në kinë, Trump deklaroi se Biden po humbet mbështetjen e aleatëve të saj tradicionalë.
“Bota është shkatërruar, po shpërthen kudo dhe SHBA-ja po humbet rolin udheheqës. Nuk po bën asgjë për këtë. Unë thashë në rregull! Franca po shkon në Kinë tani. Macron, i cili është miku im, shkoi atje dhe i “lëpihet” Xi Jinping.
Macron është kritikuar nga disa qarqe për shkak të qëndrimit të tij në të cilin ai i bëri thirrje Bashkimit Evropian që të mos bëhet “mbështetës” as i Amerikës dhe as i Kinës, veçanërisht për çështjen e Tajvanit, pas kthimit të tij nga Azia.
