Sot është dita e dytë e vizitës së Gabriel Escobar në Tiranë.
Ashtu siç ishte parashikuar në orën 11:30 Zv.Ndihmës Sekretarin e Shtetit për Çështjet Evropiane dhe Euroaziatike dhe i Dërguari i Posaçëm për Ballkanin Perëndimor, Gabriel Escobar ka mbërritur në ambientet e selisë së Partisë së Lirisë.
Escobar i shoqëruar nga Yuri Kim do të zhvillojë një takim “kokë më kokë” me kryetarin e Partisë së Lirisë, Ilir Metën. Fokus i këtyre takimeve janë padyshim zgjedhjet e 14 majit, pasi edhe vizita e tij 3-ditore vjen vetëm pak ditë para nisjes zyrtare të fushatës elektorale për zgjedhjet vendore.
Zyrtar i lartë amerikan u prit në hyrje të selisë nga deputetja Erisa Xhixho dhe nënkryetarja Floida Kërpaçi.
Kujtojmë që mëngjesin e sotëm Escobar mbërriti në ambientet e selisë së improvizuar të grupit “Alibeaj”, ku në hyrje u prit nga deputeti Gazmend Bardhi. Saka, ditën e djeshme Escobar zhvilloi takime me Presidentin Bajram Begaj, Kryeministrin Edi Rama dhe ministren e Jashtme, Olta Xhaçka.
Ambasada e SHBA njoftoi se gjatë takimeve, zyrtari DASH nënvizoi rëndësinë e zgjedhjeve të ardhshme vendore në Shqipëri, nevojën për të zbatuar rekomandimet e ODIHR-it dhe nevojën që partitë politike dhe liderëve të sigurojnë së kandidatët që garojnë në 14 maj të përmbushin kërkesat e ligjit.
