Kandidati i bashkisë së Durrësit për opozitën, Igli Cara është shprehur se Durrësi po vuan shumë.
Në emisionin “A Show” me Adi Krastën, Cara ka listuar të gjitha taksat që qytetarët paguajnë si i përket ndriçimit dhe rrugët e Durrësit në 80 % të tyre janë në një errësirë totale.
“Takimet që kam zhvilluar me qytetarët kuptohet që qytetarët duan ndryshim9in. Unë në këtë periudhë jam në të gjitha zonat e qytetit, tani ndodhem në rrugën 26 nëntori pranë Maternitetit të Durrësit. Kjo situatë skandaloze si në këto rrugë është e përafërt me gati 80% e qytetit. Kjo do të thotë shumë sepse qytetarët nuk marrin shërbimet që i takojnë, të gjithë qytetarët paguajnë taksa dhe duhet të rikthehen në shërbime për to. Të gjithë qytetarët e Durrësit paguajnë taksën e ndriçimit dhe duhet tu kthehet në ndriçimi, dhe kjo nuk ka asnjë ndriçim në një lagje e cila është e rëndësishme e qytetit.
Bashkia e Durrësit vetëm për vitin 2021 ka paguar për energjinë elektrike 850 milionë lekë të vjetra, për mirëmbajtjen 301 milionë lekë të vjetra, dhe për investime të reja 418 në total një shumë afërsisht 156 milionë lekë të reja që janë shumë para. Këto para hidhen dhe qytetarët nuk marrin shërbimin sa i përket ndriçimin kjo gjë ndodh edhe me gjelbërimin dhe të gjitha shërbimet e tjera të bashkisë së Durrësit”, tha Cara.
