Banorët e Durrës kanë dalë sërish në protestë para Bashkisë, duke kundërshtuar projektin TID, një nismë e qeverisë që parashikon kthimin e zonës arkeologjike të qytetit në një park të madh urban.
Gjatë zhvillimit të protestës, në ambientet e Bashkisë ka mbërritur edhe kryeministri Edi Rama, ai është futur në Bashki, por banorët nuk kanë mundur të afrohen e të flasin me të.
Kujtojmë se Bashkia e Durrësit ka lajmëruar banorët se më 16 shkurt duhet të largohen vullnetarisht nga banesat e tyre për të vijuar me realizimin e Projektit TID.
