Babë e bir, Shaqir dhe Algert Alcani (62 & 37 vjeç) u arrestuan këtë të hënë në Elbasan, së bashku me 37-vjeçarin Edmir Boçi, pasi akuzohen se kanë kërcënuar me jetë biznesmenin nga Cërriku, Eral Myftaraj dhe familjen e tij.
E gjithë historia lidhet me një tender të Drejtorisë së Përgjithshme të Objekteve Publike në Bashkinë e Tiranës, me vlerë mbi 830 mijë euro, të cilin e ka fituar kompania “AL-MEXWOOD SH.P.K”, e Myftarajt.
Ai ka qenë në garë me kompaninë ‘Alcani sh.p.k.’, që zotërohet prej 62-vjeçarit të arrestuar, Shaqir Alcani, i biri i të cilit është i punësuar si jurist në Bashkinë e Tiranës.
Presioni që babë e bir kanë bërë mbi Myftaraj, që ai të tërhiqej nga tenderi i majmë i bashkisë së drejtuar nga Erjon Veliaj nuk ka ecur dhe së bashku Shaqir e Algert Alcani, në bashkëpunim me eksponentë të krimit, e kanë kërcënuar të heqë dorë ose përndryshe do t’i vrasin djalin, Mateo Myftaraj.
Ndërkohë, 38-vjeçari që është shpallur në kërkim për këtë ngjarje dyshohet se është Luiz Llozhi, një emër i njohur ky për policinë, si person me precedentë penalë që ka ndryshuar disa herë emrin dhe mbiemrin.
Llozhi dhe Edmir Boci, janë shokë me njëri-tjetrin dhe njëherësh kanë lidhje familjare me Shaqir Alcanin.
Ndërkohë, i arrestuari tjetër Edmir Boci rezulton të jetë një person me precedentë penalë në fushën e tregtimit të drogës.
LEXO EDHE:
“Tërhiqu nga tenderi”/ Kërcënuan biznesmenin se do t’i vrisnin familjen, 3 në pranga (Emrat)
Detaje të reja/ Si u kërcënua me “armë në kokë” administratori për tenderin mbi 800 mijë €
DETAJE/ “Do të vrasim”, tenderi 830 mijë euro i Veliajt futi në konflikt biznesmenët
