Një valixhe e dyshimtë është gjetur pasditen e sotme pranë një stacioni autobusi në Gjirokastër.
Pas kryerjes së procedurave të verifikimit, ka rezultuar se brenda kishte sende personale të një qytetari. Ai e kishte harruar valixhen në stacion dhe është kthyer pas disa minutash për ta marrë.
Njoftimi:
Rreth orës 19:20, në lagjen “18 Shtatori”, Gjirokastër, pranë një stacioni autobusi është konstatuar 1 valixhe.
Menjëherë, në vendin e ngjarjes kanë shkuar shërbimet e Policisë, të cilët kanë kryer të gjitha procedurat standarde të verifikimit dhe ka rezultuar se në valixhe kishte sende personale të një qytetari.
Qytetari që kishte harruar valixhen në stacionin e autobusave, është kthyer pas disa minutash, dhe e ka marrë atë.
