Një ngjarje e rëndë ka ndodhur disa ditë më parë në Berlin, ku një 33 vjeçare ishte goditur me thikë në sy të dy vajzave të saj të mitura. Mediat gjermane shkruajnë se më në fund është bërë arrestimi i autorit të kësaj ngjarje.
Sulmi kishte ndodhur në momentin kur e reja bashkë me vajzat e saj 9 dhe 7 vjeç po hipte në autobus, kur një i panjohur e ka goditur 7 herë me thikë.
Ndërkaq pas arrestimit të autorit është zbuluar se ai kishte njohje me 33 vjeçaren, edhe pse nuk ka dhënë detaje nëse ka qenë miqësor apo romantik statusi i njohjes mes tyre.
Ndërkaq e plagosura ndodhet akoma në gjendje të rëndë në reanimacion pas plagëve të shumta të marra në zemër, mushkri dhe stomak.
