Një gol i shënuar nga Olivier Giroud në minutën e 89 shpërtheu festën në “San Siro”, por pak sekonda më vonë, sistemi VAR bëri drejtësi dhe Milani nuk arriti të fitonte një sfidë të lehtë në letër kundër Empolit, duke mëshiruar edhe Interin që barazoi në transfertën e Salernos për ta lënë të hapur betejën e vendit të tretë.
Ndeshje e tensionuar dhe pa grintë për të besuarit e Piolit që u zgjuan vetëm pas minutës së 70 kur në fushë hyri Leao dhe Giroud që fillimisht trajneri i kurseu për sfidën e mesjavës në Champions Leaue me Napolin.
Në këtë mënyrë, Milani rrezikon shumë ashtu si edhe Interi për të qëndruar jashtë zonë Champions sezonin e ardhshëm pasi me këtë barazim mbetet në vendin e tretë me 52 pikë, 1 më shumë se Interi por Roma ka mundësinë për ta kaluar pasi mban vendin e 5 me 50 pikë.
