Elton Laska, kandidat për Këshillin Bashkiak të Kurbinit si përfaqësues i një Lëvizje Qytetare sjell shqetësimin e mosinvestimit nga autoritetet në Pazarin e Miloatit.
Në një postim në rrjetet sociale, Laska ky treg rrezikon të kthehet në një bombë epidemiologjike për shkak të kushteve higjeno-sanitare.
Ai vlerëson se rehabilitimi i pazarit të Milotit është një emergjencë, ndaj shton se këshilli i ardhshëm i Bashkisë duhet të ushtrojë presion pozitiv mbi administratën që të hartojë projektin e duhur në konsultim dhe bashkëpunim me pronarët e këtij tregu.
Reagimi
Në postimin në FB, ai shkruan:
Pazari i Milotit dhe heshtja vrastare e institucioneve.
Disa herё e kam ngritur shqetësimin për rehabilitimin dhe strukturimin e Pazarit të Milotit, një prej aseteve tregtare ekskluzive të Bashkisë Kurbin dhe ndër më të vjetrit në veri të vendit.
Kam ngritur shqetësimin se ky treg rrezikon të kthehet në një bombë epidemiologjike për shkak se tregtimi i produkteve ushqimore, si mishi apo bulmeti bёhet nё kushte higjeno-sanitare jashtё ҫdo standarti dhe nё kufinjtё e tё paimagjinueshmes se mund tё konsumohen.
Rehabilitimi i pazarit të Milotit është një emergjencë, ndaj këshilli i ardhshëm i Bashkisë duhet të ushtrojë presion pozitiv mbi administratën që të hartojë projektin e duhur në konsultim dhe bashkëpunim me pronarët e këtij tregu.
Pazari i Milotit funksionon në të njëjtat kushte si kur nisi të funksionojë si i tillë në vitin e largët 1920 dhe kjo panoramё nuk na nderon.
Ka ardhur koha ta ndëshkojmë papërgjegjshmërinë dhe paaftësinë.
Jeta e tregtarëve dhe konsumatorëve është në rrezik, kjo duhet të na shqetësojë të gjithëve.
Kёto ditё flitet se do tё vijё Kryeministri Rama pёr shoë-un e radhёs nё Laҫ.
A thua do tё ketё ndonjё nga ata qё i qëndrojnë mbrapa, qё t’i kujtojnë atij se kemi edhe probleme tё tilla?!
Ne do të jemi zëri i problemeve tuaja.
