Sekretari i Përgjithshëm i “Shqipëria Bëhet”, Elton Laska, në një takim elektoral në Lezhë në kuadër të 11 Majit, shprehet se jemi në një diktaturë e cila e ka marrë peng këtë vend.
Laska shprehet se i është futur politikës për ta çliruar Shqipërinë. Ai shprehet i bindur se do ti kthejnë shpresën shqiptarëve dhe premton se “do kthejnë të gjithë ata emigrantë që kanë braktisurën vendin për shkak të qeverisë Rama”.
Laska deklaron se kanë themeluar një parti që mbështetet mbi vlerat dhe mbi demokracinë e brendshme dhe shprehet se “e kemi faktuar që tek listat e hapura që i kanë lënë pa gjumë kryetarët e partive të mëdha”.
Më tej ai shprehet se në Shqipëri ka 34 vite që po mbizotëron një klasë e korruptuar politike për të cilën premton se do ta çajnë dhe shembin pas zgjedhjeve të 11 Majit.
