Verilindja e vendit është përfshirë prej mbrëmjes së djeshme nga moti i paqëndrueshëm.
Reshjet e shiut kanë qenë prezente në territor, por gjatë natës në lartësitë 800 metra mbi nivelin e detit janë regjistruar edhe reshje dëbore, që arritën deri në 20 cm trashësi.
Në njësitë administrative Shishtavec, Topojan, Zapod, Bushtricë, Grykecaje, Tropojë e Vjetër, Margegaj, Lekbibaj, Bytyç e Gjinaj reshjet e dëborës të shoqëruara dhe me erëra të forta krijuan probleme në disa akse të rrugëve rurale dhe ato që lidhin qendrat e njësive me rrugët nacionale.
Në disa fshatra të këtyre njësive u ndërpre energjia elektrike. Kompanitë sipërmarrëse për mirëmbajtjen e rrugëve nisën punën për pastrimin dhe rivendosjen e qarkullimit në akset Kukës- Shishtavec, Kukës- Peshkopi dhe rrugët rurale.
Edhe grupet e punës të OSHEE janë në terren për riparimin e defekteve. Temperaturat në mëngjes ne zonat me rrahje dëbore zbritën nga 2 në 0 gradë celsius.
