Moti i keq me reshje të dendura shiu qe ka pushtuar vendin prej mbrëmjes së kaluar ka shkaktuar problematika në disa akse rrugore në qarkun e Korçës.
Mësohet se, në disa segmente, si Libonik–Rëmbec–Plasë dhe Korçë–Voskopojë, pas reshjeve të shiut kanë nisur reshjet e borës të cilat kanë vështirësuar qarkullimin.
Ndërsa, në aksin Maliq–Kufi Gramsh, reshjet e shiut gjatë natës kanë sjellë dalje të dy përrenjve me inerte në rrugë, duke vështirësuar gjithashtu qarkullimin.
Gjithashtu, reshje bore janë regjistruar edhe në aksin Ersekë–Tre Urat.
Në akset Korçë–Ersekë, Zemblak–Goricë dhe Bilisht–Miras, reshjet janë me intensitet të ulët dhe mesatar.
Segmenti Boboshticë–Dardhë (Lapidari i Podgories) është bllokuar nga dëbora, ndërsa thuhet se po operojnë dy mjete borëpastruese për lirmin e aksit. Qarkullimi në këtë rrugë rekomandohet vetëm me goma dimërore.
