Automjeti tip “Volkswagen Golf” që drejtohej nga 37-vjeçari Aldi Mustafa u hodh mesditën e kësaj të enjteje ne erë me tritol, teksa ishte në lëvizje në aksin rrugor Shkozet-Durrës.
Ngjarja sipas policisë ka ndodhur rreth orës 14:00, ndërsa 37 vjeçari ishte i vetëm në automjet në momentin e shpërthimit.
Mësohet se lënda plasëse ka qenë e montuar në gomën e pasme, në krahun e pasagjerit ndaj Mustafa ia ka hedhur paq këtij atentati të ndodhur në ditën për diell.
Sakaq, në vendin e ngjarjes ndodhen dhjetëra forca policie dhe grupi hetimor ka nisur punën për të zbardhur ngjarjen.
Por kush është Aldi Mustafa?
Aldi Mustafa (37 vjeç) banues në Durrës, nuk është një emër i panjohur për policinë.
Ai rezulton i dënuar më parë për veprat penale “Kanosja” dhe “Prodhimi dhe shitja e narkotikëve”, me 10 vite burg, në Gjermani.
Mësohet se Mustafa më herët ka qenë anëtar i një bande të njohur në Durrës, ndërsa ka pasur lidhje me ‘Rrumin’, një personazh i njohur dhe i përfolur në ngjarje kriminale, siç ishte dhe atentati ndaj ish-prokurorit Arjan Ndoj.
Mustafa u arrestua më 30 gusht 2021 në kuadër të operacionit të koduar ‘Misioni’, bashkë me dy të tjerë, Uran Zykën, 40 vjeç, banues në Durrës, i dënuar më parë për veprën penale “Kanosja”, si dhe Tahir Gjinikën, 33 vjeç, banues në Durrës.
Policia asokohe njofton se 2 prej të arrestuarve ishin me precedent të theksuar kriminal në fushën e krimeve ndaj personit dhe pronës, shpërndarjes së lëndëve narkotike dhe armëmbajtjes pa leje. Tre të ndaluarit dyshohet se do kryenin një vrasje, kundrejt pagesës.
“Këta shtetas qarkullonin në lagjen nr.15, Durrës, me mjetin tip “BMË”, me drejtues shtetasin Aldi Mustafa. Në momentin e ndërhyrjes nga shërbimet e Policisë, të tre shtetasit kanë tentuar të largohen duke goditur mjetin e shërbimit të Policisë dhe duke rrezikuar jetën e punonjësve të Policisë që ishin në operacion, por nuk kanë mundur dot pasi janë bllokuar nga mjete dhe shërbime të tjera të Policisë. Gjatë kontrollit të ushtruar në mjet u gjetën: 3 armë zjarri pistoletë me fishekë në fole, 1 armë zjarri mitraloz me fishekë në fole gati për qitje, municion luftarak, 2 laptopë, 9 telefona celularë dhe 1600 euro, të cilat u sekuestruan në cilësinë e provës materiale së bashku me automjetin”, njoftonte policia.
LEXO EDHE:
Shqipëria nuk gjen qetësi/ Atentat me eksploziv ndaj “të fortit” të Durrësit (EMRI)
