Italianët që përdorin anglishten apo gjuhë të tjera të huaja në komunikime zyrtare mund të përballen me gjoba deri në 100 mijë euro, sipas rregullave të reja të qeverisë Meloni.
Ky projektligj i ri i prezantuar nga Partia “Vëllezërit e Italisë”, të kryeministres Giorgia Meloni pritet të hyjë në fuqi së shpejti dhe pritet të ndalojë të gjitha gjuhët e huaja, po me fokusin e vendosur të përdorimi i fjalëve në anglisht.
Fabio Rampelli, ligjvënës i dhomës së ulët, ishte ai që e prezantoi projektligjin që pritet të marrë mbështetjen e kryeministres.
Në draft thuhet se “përdorimi i kësaj gjuhe turpëron dhe ofendon gjuhen italiane,” ndërsa shtohet se situata përkeqësohet edhe më tej prej faktit që Britania e Madhe nuk është pjesë e Bashkimit Europian.
Projektligji, i cili ende nuk ka dalë për debat parlamentar, kërkon që kushdo që mban një detyrë në administratën publike të ketë “njohuri me shkrim dhe orale dhe zotërim të gjuhës italiane”.
Ai gjithashtu ndalon përdorimin e gjuhës angleze në dokumentacionin zyrtar, duke përfshirë “akronimet dhe emrat” e roleve të punës në kompanitë që operojnë në vend.
Entitetet e huaja do të duhet të kenë botime në gjuhën italiane të të gjitha rregulloreve të brendshme dhe kontratave të punës.
