Ish-kryeministri Sali Berisha ka marrë pjesë mesditën e sotme në prezantimin e kandidatit të koalicionit “Bashkë Fitojmë” për zgjedhjet e 14 majit në bashkinë e Dibrës, teksa ka folur mbi qeverisjen, më konkretisht ministren Balluku.
Gjatë fjalës s tij, Berisha ka denoncuar nga Dibra ministren e Infrastrukturës, të cilën e ka cilësuar si një “babëzi”, ndërsa shtoi se nëse do kishte emër tjetër, do quhej “Babëzi-Balluku”.
Ai vijoi duke thënë se Balluku ulet në tryezë dhe porosit biftekë nga 1000 euro, ndërsa udhëton jashtë shtetit me 22 milionë euro me vete.
E dini që ajo ulet në tryezë dhe porosit biftekun sa një ka, 1000 euro. Po njeriu ka një sens, dhe ka ndjeshmëri ndaj atij që qeveris. Niset jashtë shtetit me thesar, 22 milionë euro. Ku i çon këtu euro në udhëtim?!” deklaroi Berisha.
