Trafikimi i lëndëve narkotike, ka filluar të shtohet me hapa galopantë në shtetet e botës, ndërsa protagonistë fatkeqësisht raportohet të jenë shqiptarë.
Edhe këtë herë një shqiptar ka rënë në prangat e policisë belge, pasi akuzohet për trafik droge.
Mediat e huaja shkruajnë se në pranga ka rënë një 38-vjeçar shqiptar i shpallur në kërkim nga Greqia, dhe pritet ekstradimi i tij drejt shtetit fqinj.
Sipas mediave te huaja, shqiptari u arrestua në aeroportin e Brukselit, pak para se të udhëtonte për në Shqipëri. Ai tentoi të mashtronte punonjësit e aeroportit duke treguar dokumente false udhëtimi, por efektivët e policisë së Patrës, të cilët kishin marrë informacione për lëvizjet e tij, e kanë vënë në pranga.
Gjatë operacionit policor në Greqi, policia gjeti dhe sekuestroi më shumë se 12 kg kanabis, 483 gr kokainë, 43 gr heroinë, me vlerë 224 mijë euro.
Burimi: Skai.gr
