Një shtetas shqiptar është shpallur në kërkim nga policia italiane, pasi ka plagosur rëndë një tunizian.
Mediat e huaja shkruajnë se ngjarja ka ardhur si pasojë e një konflikti të hershëm që më pas ka agravuar në përdorimin e armëve.
Identiteti i shqiptarit ende nuk bëhet me dije, ndërsa mësohet se ky i fundika qëlluar gjashtë herë me pistoletë drejt një shtetasi nga Tunizia.
Paraprakisht dyshohet se shkak për përplasjen është bërë një borxh mes tyre.
Mësohet se autori ka shkuar drejt shtëpisë së tunizianit në Itali, për të zgjidhur këtë problem por në tensione e sipër ka nxjerrë pistoletën, dhe e ka plagosur rëndë në këmbë.
Tuniziani është dërguar menjëherë në spital ndërkohë që policia është vënë në kërkim të shqiptarit.
