Manchester City-Liverpool rikthejnë vëmendjen e të gjithë futbolldashësve nga Premier League.
Supersfida e javës së 29-të që luhet këtë të shtunë nga ora 13:30 premton shumë.
“Citizens” rrezikojnë të kenë një mungesë të madhe në këtë përballje, me Erling Haaland që raportohet se nuk është ende në formën e duhur për të luajtur.
Dy javë më parë, norvegjezi dëmtoi ijën, aq sa iu desh të largohej para kohe nga kampi stërvitor i Kombëtares, duke humbur ndeshjet kualifikuese për Euro 2024.
Qendërsulmuesi nuk është stërvitur në dy ditët e fundit dhe vështirë se do të jetë në gjendje të rikuperohet në kohë.
Kujtojmë se më 11 prill City do të duhet të ndeshet në Champions League me Bayern Munich dhe do të duhet ta ketë Haaland-in në gjendje për atë përballje.
