Një krim brenda familjes ka ndodhur një ditë më parë në Itali, ku protagonistë fatkeqësisht janë sërish shqiptarët.
Bëhet fjalë për një vrasje të ndodhur mesditën e djeshme në Terni, Itali, ku shtetasi Xhafer Uruçi, 70 vjeç ka vrarë me thikë, bashkëshorten e tij Zenepe Uruçi, 65 vjeçe. Krimi i rëndë ka ndodhur në zonën e quajtur Borgo Rivo në Terni dhe dëshmitar indirekt i masakrës ishte i biri i tyre, i cili dëgjoi në telefon britmat e dëshpëruara të nënës së tij.
56-vjeçarja mësohet se i dërgoi një mesazh zanor djalit në Whatsapp ku i thoshte: “Babai yt po më vret!”.
I alarmuar djali ka telefonuar të atin dhe ka marrë vetëm një përgjigje, ulërimat e nënës së tij. Pasi u bë dëshmitar i krimit, djali i çiftit ka telefonuar të motrën dhe më pas karabinierët, të cilët kur kanë shkuar në vendngjarje e kanë gjetur 56-vjeçaren të vdekur, ndërsa i shoqi ishte në shtëpi.
62-vjeçari u vendos në prangat e policisë, ndërsa sipas mediave italiane, britmat e gruas janë dëgjuar edhe nga fqinjët, të cilët kanë menduar se ishte një sherr i radhës i çiftit.
Xhafer Uruçi raportohet se ishte shumë i dhunshëm dhe e kishte rrahur disa herë në të kaluarën bashkëshorten e tij, e cila kishte përfunduar në spital.
Sipas fqinjëve dhe miqve të tyre, kjo ishte një vrasje e paralajmëruar. Frikën që Zenepe kishte ndaj të shoqit, ia kishte shprehur jo vetëm djalit por edhe miqve. Mësohet se 52-vjeçarja punonte në një dyqan të njohur peshku në qytet.
62-vjeçari me banim të ligjshëm në Itali, aktualisht pa punë u dërgua në komisariat, ndërsa vijojnë hetimet në lidhje me ngjarjen.
Sipas hetuesve italiane sherri mes tyre kishte nisur për shkaqe xhelozie.
