Bandat kriminale shqiptare duket se i kanë shtrirë ‘tentakulat’ e tyre edhe në Zvicër.
Mediat e huaja duke iu referuar burimeve policore shkruajnë se shqiptarët kontrollojnë tregtinë lokale të drogës.
Krerët janë jashtë vendit, ndërkohë që policia arreston vazhdimisht kriminelët shqiptarë. Sipas mediave vendase, grupe të ndryshme kriminale nuk konkurrojnë me njëri-tjetrin, por përkundrazi plotësojnë njëra-tjetrën.
Paratë e këtij aktiviteti kriminal futen në ciklin ekonomik. Investimet bëhen në prona të paluajtshme, biznese të vogla, restorante dhe tregti makinash.
Një pjesë e madhe e rasteve të pastrimit të parave shkojnë tek të ashtuquajturat “mushka parash”. Bëhet fjalë për persona të tretë që në këmbim të dëmshpërblimit rishpërndajnë para nga burime kriminale.
