Kryetari i PD-së, Sali Berisha u shpreh këtë të Premte në një konference për mediat se qeverisja e Edi Ramës është kthyer në një regjim që tanimë është bërë i pashpresë për qytetarë.
Ai i bëri apl qytetarëve që të votojnë koalicionin opozitar më 14 Maj.
“Pasiguria është e plotë. Këtu vriten njerëz kudo që janë nga bandat e qeverisë të lidhura me qeverinë. Sepse kurrë po të mos ishin të lidhur me qeverinë, nuk do guxonin të shkrehnin breshëri nga jashtë në një kafene plot njerëz, ndaj një televizioni me dhjetëra mos qindra punonjës brenda. Të gjithë kurajën këta e kanë te mbështetja e qeverisë dhe te licenca publike: vrisni njëri-tjetrin. Regjimi i Edi Ramës tani është bërë i pashpresë”, tha Berisha.
Më tej, u ndal te zhvillimet e reja nga ccështja McGonigal në SHBA.
“Ju i morët vesh hetimet për McGonigal. Në Uashington u konfiskuan pasuritë e tij. Uroj të vijnë në Tiranë të konfiskojnë pasuritë e tyre”, tha Berisha.
“Amant Josifi, ortaku i Olsi Ramës që ka vjedhur 2.2 miliardë euro, fshihet në Dubai”, shtoi.
“Është një situatë e paprecedentë. Situatë që fton çdo shqiptar të ngrihemi, të firmosim ndryshimin më 14 maj. Unë konstatoj një klimë të shkëlqyer në takimet, në xhirot që kam bërë. Shqiptarët janë të përgatitur për të firmosur ndryshimin, për të rivendosur pluralizmin. Por këto statistika, këto të dhëna e bëjnë edhe më emergjent këtë ndryshim. Janë një thirrje në ndërgjegjen e çdo shqiptari, të mos pajtohemi me këtë realitet dramatik”, tha kryedemokrati.
