Shqipëria nuk gjen qetësi dhe krimi sërish trondit vendin tonë.
Pak minuta më parë u raportua për të shtëna me armë zjarri në Kavajë.
Mediat deri në këto momente raportojnë se si pasojë e të shtënave kanë humbur jetën dy persona, njëri prej tyre në spitalin e Kavajës dhe tjetri në spitalin e Durrësit. Ngjarja ka ndodhur pas një konflikti të çastit mes dy personave, të cilët kanë goditur njëri-tjetrin, njëri ka qëlluar me armë dhe njëri me thikë, ku të dy kanë humbur jetën.
Kanë humbur jetën shtetasit Altin Rexha (Sali Rexha) nga Kukësi i cili ka qëlluar me pistoletë dhe shtetasi Edmond Gosa (Armand Gosa) nga Kavaja i cili ka qëlluar me thikë. Në një njoftim të dytë policia sqaron se “nga verifikimet e sakta të kryera nga grupi hetimor, pas gjetjes së dokumenteve të identifikimit, shtetasi Altin Rexha e ka ndryshuar emrin dhe në dokumente e ka Sali Rexha, kurse shtetasi Edmond Gosa e ka ndryshuar emrin dhe në dokumente e ka Armand Gosa. Emrat i kanë ndryshuar me gjendje civile.”
Policia ndodhet në vendin e ngjarjes dhe po punojnë për sqarimin e rrethanave të plota.
- Çfarë njofton policia për ngjarjen e rëndë?
“Më datë 29.03.2023, në Kavajë, tek kryqëzimi i valutës, ka ndodhur një konflikt midis dy shtetasve, ku shtetasi Edmond Gosa 43 vjeç, ka plagosur me thikë shtetasin Altin Rexha (Sali Rexha), 43 vjeç, ndërsa ky i fundit ka plagosur me armë zjarri shtetasin Edmond Gosa (Armand Gosa).
Si pasojë e plagëve të marra të dy shtetasit e përfshirë në konflikt, kanë ndërruar jetë në spital. Grupi hetimor ndodhet në vendngjarje dhe po punon për sqarimin e rrethanave të ngjarjes.
Në përfundim të veprimeve paraprake në vendngjarje, do të kemi një informacion vijues.”, njofton polcia.
- Pamje nga vendi i ngjarjes:
