Autoritetet italiane kanë zhvilluar një operacion në Bologna dhe kanë arrestuar 20 persona, mes tyre një shqiptar. Të tjerët janë italianë dhe nga Republika Domenikane.
760 kilogramë kokainë me vlerë 60 milionë euro janë vënë në sekuestro nga autoritetet italiane.
Droga ishte fshehur në një lëkurë të papërpunuar viçi dhe nëse do të dilte në treg, do të kapte shifrën e mbi 60 milionë eurove. Droga ishte nisur nga Amerika e Jugut dhe ishte fshehur në kontejnerët e mbushur me lëkurë të papërpunuar viçi, raportojnë mediat italiane. Copat e lëkurës së viçit ishin të paketuara dhe të ndara në madhësi identike e me peshë 500 gramë secila.
Grupi që e kishte sjellë nga Amerika e Jugut rezulton se është me origjinë në Republikën Domenikane dhe ishte aktivizuar në Itali.
Gjatë operacionit janë ushtruar kontrolle në banesat e të arrestuarve dhe janë vënë nën sekuestro pesë makina që iu gjetën në garazhe.
