Po luhen pjesët e dyta të 6 sfidave të mbrëmjes, të vlefshme për fazën kualifikuese të Kampionatit evropian të futbollit, Euro 2024, ku padyshim surprizat nuk kanë munguar.
Kështu, Kosova dhe Andorra e kanë mbyllur pjesën e parë me rezultatin e bardhë 0 me 0, ndërsa Zvicra dhe Rumania që ndodhen po në të njëtin grup me “dardanët” udhëheqin përkatësisht me rezultatin 3 me 0 dhe 2 me 0, ndaj Izraelit dhe Bjellorusisë.
Në Glasgou, Skocia udhëheq me rezultatin 2 me 0 ndaj Spanjës, një rezultat ky surprizues për “ishullorët”. Në krahun tjetër, në Turqi, kroatët kanë kaluar në avantazhin e dyfishtë falë dopietës së Mateo Kovacic, ndërsa Uellsi është duke triumfuar me rezultatin 1 me 0 përballët Letonisë.
Rezultatet e pjesës së parë:
Kosovë 0-0 Andorrë
Zvicër 3-0 Izrael
Skoci 2-0 Spanjë
Turqi 0-2 Kroaci
Uells 1-0 Letoni
Rumani 2-0 Bjellorusi
