Zbardhet lista e këshilltarëve të Sali Berishës dhe Ilir Metës për bashkinë e Durrësit në zgjedhjet e 14 majit.
Koalicioni “Bashkë Fitojmë” i Sali Berishës dhe Ilir Metës për zgjedhjet lokale të 14 majit ka zbuluar këtë të dielë listën me 35 emra që do të garojnë për këshillin bashkiak të Durrësit.
Përveç kandidatit potencial për kryebashkiak, Igli Cara, i cili ka qenë më herët edhe deputet i PD, në listën për këshillin demokratët kanë vendosur disa emra me peshë në qytet.
Lista kryesohet nga urbanisti Ardian Muka, i cili më herët ishte përfolur edhe si kandidat i mundshëm në “Primare” përballë Carës, por më pas dega e PD vendosi unanimisht të sfidonin Emiriana Sakon me ish-deputetin si rival.
Muka është një ndër personalitetet e qarkut dhe me mbështetje të gjerë jo vetëm nga baza demokrate, por edhe qytetarët durrsakë në tërësi.
Një tjetër emër me peshë është ai i mjekes Eda Harizi. Mjekja neurologe prej vitesh është shefe e këtij reparti, por edhe Presidente e Urdhërit të Mjekut të Durrësit, ndërsa në periudhën e pandemisë Covid19 fitoi popullaritet të madh me këshillat e saj për qytetarët.
Më pas vjen Dritan Burgjia, edhe ky një personazh me peshë të caktuar politike në qark, pasi mban edhe postin e kryetarit të degës së PD në Durrës.
Nuk mungon në listë as surpriza e zgjedhjeve të shkuara parlamentare, Manjola Luku. Edhe pse e 9-ta në listën e PD-së mjekja e njohur arriti të fitojë mbi 5 mijë vota preferenciale në qarkun e Durrësit, duke mbuluar zonën elektorale të Manzës, Ishmit dhe Sukthit.
LISTA
Ardian Muka
Eda Harizi
Luan Kuçi
Dritan Burgjia
Manjola Luku
Ermal Bhraholli
Zhuljeta Ngota
Arlind Boshku
Arjeta Keçi
Bled Prizreni
Anisa Ibro
Erzen Laçi
Mirela Shala
Erjon Cani
Irda Murati
Endri Golja
Shpresa Sagajeva
Elvis Shuaipi
Enkelejda Meta
Vasip Haliti
Manjola Hesnjaku
Veli Hazisllari
Anja Gega
Shyqyri Myrtollari
Arba Taraku
Frrok Lleshi
Elona Allmeta
Erald Aliu
Roxhersa Haxhillari
Dario Kulla
Besa Cami
Taulant Ferhati
Mirela Karruli
Nasild Alikaj
Marjeta Profkola
