Agron Duka, i ftuar në “Zonë e Lirë” u shpreh optimist se do të fitojë votat e mjaftueshme për të arritur objektivin për këshillat bashkiakë.
I pyetur se çfarë do të bëjë nëse nuk arrin objektivin, Duka u shpreh se do të largohet si kryetar i Partisë Agrare Ambientaliste.
“Nëse biem nën 20 mijë vota, mendoj se kjo punë që unë bëj, si kryetar partie nuk ka vlerë. Unë mendoj se do të arrij objektivin. Duhet patjetër zëri i njerëzve të thjeshtë në këshillat bashkiakë. Shohim se ka shumë probleme me mjedisin dhe bujqësinë dhe këta njerëz duhet të përfaqësohen”, tha Duka.
Më tej ai u shpreh i bindur se do të kaloj mbi 20 mijë vota.
Agron Duka ka dalë hapur në mbështetje të kandidatit të dalë nga Primaret dhe që tani do të garojë në koalicionin ‘Bashkë Fitojmë”, Igli Cara.
Sipas Dukës, kandidati i Carës është I vetmi për të ndryshuar Durrësin, ndërsa partia e tij do të garojë e vetme për këshillat bashkiakë.
