Kryetari demokrat, Sali Berisha ka akuzuar kryeministrin Edi Rama si të implikuar direkt me thjeshtrën e tij në fushën e Porto Romanos.
“Projektin e eko parkut do ta bënte si nënkontraktore kompania ku punon thjeshtra e tij”, deklaroi Berisha. Më tej ai ka zbuluar edhe prapaskenat se kompania do të krijohej “6 muaj para se Rama ta shpallte këtë ide të madhe të vjedhjes dhe me Porto Romanon”.
Berisha deklaron se SPAK-u është organi më i kapur në drejtësinë shqiptare.
“Rama është njeriu direkt përgjegjës për djegësat sepse dokumente të pakundërshtueshme që dispionon Ahmetaj faktojnë që ai ka bërë preison të jashtëzakonshëm Ahmetajt për të firmosur.
Janë një seri rrethanash. Rama i implikuar direkt me thjeshtrën e tij dhe me fushën e Porto Romanos.
Një ditë zgjohet befas e thotë që aty do ndërtojmë një eko park që mbetjet të transportoheshin me 29 euro në minierën e floririt të tij në Sharrë.
Projektin e eko parkut do ta bënte si nënkontraktore kompania ku punon thjeshtra e tij.
Kompania Zoto do krijohej për ekoparkun 6 muaj para se Rama ta shpallte këtë ide të madhe të vjedhjes dhe me Porto Romanon.
Mirëpo SKAP-i është i partisë dhe në fakt është sot për sot organi më i kapur në drejtësinë dhe në të gjithë shtetin shqiptar”“– tha Berisha.
