Gjykata e Vlorës ka vendosur masën e sigurisë “arrest me burg” për Arlind Lagjin.
Gjykata e shkallës së Parë në Vlorë ka ka lënë në burg ish-drejtorin e Doganës së Fierit, Arlind Lagjin, i cili ditën e hënë më datën 20 mars shkaktoi dy aksidente të njëpasnjëshme në rrugën Transballkanike duke lënë të plagosur dy persona të moshës 66 dhe 63 vjeç.
Arlind Lagji është përballur me dy veprat penale: “Aksident nga pakujdesia” dhe “Largim nga vendngjarja”.
Prokuroria ka kërkuar masën e sigurisë arrest me burg teksa gjyqtarja e kësaj çështjeje Dorina Stroka e ka pranuar kërkesën.
