Një tjetër derë e godinës 3 të “Prestige Restort” është hapur në mënyrë të paligjshme përmes kaçavidave dhe trapanëve, nga dy të rinj me kapuçë.
Përfaqësuesi i kompanisë së “Hysenbelliu Group” ka ndaluar një prej tyre dhe i ka kërkuar të tregojë se kush është dhe se kush e ka sjellë aty.
I riu ka thënë vetëm se “më morën”, ndërsa më pas ka hedhur mikrofonin e gazetarit. Pas kësaj ka ndërhyrë policia dhe e ka shoqëruar atë duke e larguar nga aty.
“Ai ishte përfaqësuesi i shoqërisë që nuk kishte asnjë informacion, dhe policia nuk lejon ta identifikojmë. Të gjithë do mbajnë përgjegjësi, penale dhe civile, për të gjithë ata që janë bërë palë e të gjithë kësaj. Ne nuk na lejojnë të futemi brenda. Çdo dëm do u faturohet atyre. Kush do mbajnë përgjegjësi për dhunimin e derës? Policia e mori në mbrojtje. Kemi që në mëngjes që po marrim ne telefon policinë për të bërë një denoncim për këtë që po ndodh, dhe askush nuk përgjigjet.”– tha përfaqësuesja ligjore e “Hysenbelliu Group”.
