Gazetari Basir Çollaku ka bindjen se presidenti Begaj nuk do të dekretojë propozimin e Ramës për të emëruar Vlora Hysenin në krye të SHISH.
I ftuar në “Ora e Betit”, Çollaku thotë se ka shumë pikëpyejte rreth saj, përfshirë shkarkimin nga Kurti dhe Osmani.
“Zonja është larguar nga detyra nga presidenti dhe kryeministri i Kosovës. Shfrytëzimi i nuancave nacionaliste nga Rama bëhet për shkaqet e krizës që ka përfshirë atë. Njohje ndërkombëtare më shumë se Rama nuk ka asnjë nga këta çirakët që ka në qeveri por po të shohim raportin e DASH nuk ka fletë lavdërimi për njohjet ndërkombvëtare.Nuk mendoj se do jetë emërim nga Presidenti. Ka pyetje për të marrë përgjigje. Si do ti japë DSIK certifikatën e sigurisë? Ka dhënë ndonjë arsye pse është shkarkuar? Po të dojë të bëjë bashkimin, ka traun te kufiri. Hiq traun. Po flasim për një njeri që do të ketë sekretet e NATO-s. Nuk është një histori rozë.Çmoj se presidenti nuk do ta kalojë këtë propozim të kryeministrit se edhe kryeministri nuk do ta kalojë”, tha Çollaku.
