Kryetari i Partisë Social Demokrate, Dardan Molliqaj tha në emisionin Now në Euronews Albania se pozicioni i kryeministrit Edi Rama në raportin mes Kosovës dhe Serbisë nuk është ai i duhuri.
Sipas Molliqajt, Rama nuk po mban qëndrimin që duhet të mbajë për atë që ndodh në Bruksel, duke i paraprirë procesit.
Rama është thjesht një spektator, shtoi bashkëshorti i ish-ministres së Arsimit në Qeverinë Rama, Besa Shahini.
“Problemi i qeverisë së Shqipërisë më shumë se flirtimi me Vuçiç është se po shkon me frymën e kohës, njerëzit në politikë duhet të kenë disa parime që nuk i ndryshojnë. Nuk po mban një qëndrim kur thua çdo gjë që po ndodh në Bruksel është mirë, qasja është e gabuar, nuk po paraprin në proces, është thjesht spektator”, tha Molliqaj.
