Një aksident ka ndodhur mëngjesin e kësaj të diele në të dalë të qytetit të Këlcyrës
Një automjet me targa greke ku udhëtonte në aksin nacional Këlcyrë-Tepelenë, ka humbur kontrollin dhe është përmbysur duke shkaktuar plagosjen e drejtueses së mjetit dhe pasagjerit.
Çifti po merrte udhën drejt kthimit në Greqi ku nga të dhënat fillestare bëhet e ditur se drejtuesja e mjetit ka humbur kontrollin në kthesën në të dalë të qytetit.
Policia ndodhet në vendngjarje, ndërsa mësohet se të plagosurit janë jashtë rrezikut për jetën.
